Calm你要知！

好似成日都聽到人地話買左好多份保險。買咁多份又有咩用呢？咩叫做買齊曬所有保險呢？

問題黎啦：假設你係屋企既經濟支柱。好驚自己有意外或者有cancer，一但死左，屋企人就會過得好辛苦。

所以你要買邊種保險先可以做好完全準備呢？（可多選）

A. 危疾保險

B. 意外保險

C.人壽保險

D. 醫療保險

點解好似隻隻字我都識，但係分唔清有咩分別？

今日小編就同大家介紹CALM口訣，等你分清楚自己既需求，包你萬無一失。

 1️⃣危疾保險(Critical illness insurance)。假設你突然之間有重病（例如cancer），分分鐘要即時俾幾萬甚至過幾十萬黎檢查同治療，加埋其他雜費，唔係邊個都可以話俾就俾架嘛！呢種保險係會俾你一筆性既緊急用既現金，唔似其他傳統既醫療保險要自行墊付醫療費，再向保險公司claim。加上，傳統醫療保險一定要你去醫院治療，拿返張醫院收據先claim到錢。有時可能聽到人地話中醫調理有奇效，練氣功養生等等。有左一筆現金在手，唔洗你焗住淨係睇西醫，用黎試下其他療法都仲得！大病一場之後，無力再應付原本工作既你，收入可能大大減少，無妨利用呢筆錢幫補下家計，減輕屋企經濟壓力。

2️⃣意外保險(Accidents insurance)。簡單黎講就係符合呢兩個定義既都保：✅受傷時受到由外而內既衝擊，✅非自願傷害。賠償因意外受傷引致既醫療開支同埋意外入息。萬一意外燒傷，斷手斷腳，甚至死亡既大意外就係會提供一筆過賠償。而呢份保險除左包括門診、專科、住院、外科手術既費用，仲包括跌打及針炙治療費。

3️⃣人壽保險（Life insurance）。呢份保險係為左係你過身之後，為你屋企人提供財務保障。例如你同女朋友一齊供緊樓，每月有俾既家用同埋債務等等。不幸過身之後有邊個可以俾？呢份保險就可以幫你找數，幫你負責返在世時候既責任。

4️⃣醫療保險(Medical insurance)。最簡單易明既保險：一切住院費用都可以實報實銷賠償。根據你既需要同預算，可以選擇保障級別，自己調節返要相應保費。仲可以補償你因住院期間無法工作既人工添。而家既自願醫保仲可以扣稅添！🤓🤓🤓

所以，答案就係全部買曬！你可以選擇一次過買齊四種😋，為自己未來打算啦。