四種逆向思維模式分享

無論係做銷售定係做管理，正所謂問題天天都多，總有問題你用正常嘅邏輯同方法解決唔到。有時候向前輩或上司請教，前輩秀咗一招神來之筆，可以話係招式但更加似係經驗深厚，新人要去學或者模仿都會感到無從入手。其實每逢遇到困境果陣，不妨使用逆向思維嘅方法，用以下四種逆向思維模式去思考，話唔定有驚喜嘅突破。

事前驗屍

望落去呢個名稱好可怕咁，但事實係一個很有效嘅批判性思維方法。事前驗屍係指每次決定任何方案前，先假定方案最終會失敗，然後詳細調查原因和漏洞，列出所有有可能出錯嘅地方，從而調整行動方案。

呢個方法不論銷售、組織活動、訂立個人或團隊目標和行動計劃（Action plan）都非常有用。很多團隊年初訂下目標，到年中計劃走了樣，到年底已經將計劃拋諸腦後，當然涉及咗很多原因，常見的原因包括忽視了潛在問題，沒有提前解決。

＊適用時機：訂立目標和組織活動

以不變應萬變

保險行業說到底都係一門生意，所有生意都唔可以一本天書走到老，所以很多管理層或領導都忙於「追逐潮流」，成日以團隊發展迎合市場需要。當然咁樣唔可以算係錯，不過現實中就有一家好出名的公司Amazon，做咗相反的示範。

創始人謝夫·貝索斯（Jeff Bezos）在瞬息萬變嘅市場中不斷問自己一個問題：「在未來十年，市場上有咩係不變的？」他得出了三個結論：顧客要求無限選擇、顧客要求最低價格、顧客要求最快送貨。然後，貝索斯一直將大量資源投放在呢三點，創造出世界知名的企業王國。仔細想想，保險業市場唔係都有很多不會變的客戶要求和行業生態咩？

＊適用時機：優化團隊，制定團隊方向

時間少一半的假設

管理新手往往很容易發生一個問題，就係時間無分配好，成日好似好忙。事實上我們的忙碌係咪合理呢？想想一些大企業家如馬雲、上述的貝索斯等等，生意是我們的幾倍甚至幾十幾百倍，唔同人地都比我更忙？

這情況在保險業更為嚴重，有好多營業員因為業績漂亮，要事業更上一層樓很自然就係升職做經理，不過銷售和管理始終都係兩個完全不同的領域，至少管理自己和管理團隊都已經明顯是兩碼子嘅事。銷售要動手，管理要動腦，管理要有效率，重點是增加判斷和做決策的量，要大大減少所謂管理的量，一般的勤奮並非良好管理者的表現。假設一下，若果我們只花一半嘅時間，有無可能把事情做得更好呢？只要順著這個方向去想，我們很自然就會將無關重要的事情擱在一邊或者分配給別人，集中處理領導要做嘅事情。

＊適用時機：新晉經理，經常覺得自己忙碌的管理層

缺點就是偽裝了的優點

十指有長短，任何團隊都有一定有無法根治的缺點。與其花時間同時沒效率地改正缺點，不如運用逆向思維，好好利用你嘅缺點作為特色，轉化為優點。

我舉一個例子，團隊中有位同事樣子普通，性格稱得上內向，一緊張就會結結巴巴，正常也不會看好佢做銷售做得出色。結果並非想像咁差，甚至說得上成績亮麗，原來佢客戶見他為人老實，但凡出自佢口中的說話都感覺很可信，雖然佢缺乏溝通能力，但佢就非常容易取得他人信任。如果當初佢被要求改善說話能力，被強行改做口齒伶俐的典型銷售人員，或者今天佢的結局會很大差別。個人如是，團隊如是，你有沒有好好利用你團隊的「缺點」呢？

＊適用時機：有不能改變的缺點的時候

總括而言，我地自小接受教育，有很多貌似定律的事實，有時候會將我地嘅思維劃了界限，腦筋鑽入了死胡同。試試以上四種思考方向解決困難，就會取得成功啦！

#銷售 #管理