Calm你要知！

好似成日都听到人地话买左好多份保险。买咁多份又有咩用呢？咩叫做买齐晒所有保险呢？

问题黎啦：假设你系屋企既经济支柱。好惊自己有意外或者有cancer，一但死左，屋企人就会过得好辛苦。

所以你要买边种保险先可以做好完全准备呢？ （可多选）

A. 危疾保险

B. 意外保险

C.人寿保险

D. 医疗保险

点解好似只只字我都识，但系分唔清有咩分别？ 今日小编就同大家介绍CALM口诀，等你分清楚自己既需求，包你万无一失。

1️⃣危疾保险(Critical illness insurance)。假设你突然之间有重病（例如cancer），分分钟要即时俾几万甚至过几十万黎检查同治疗，加埋其他杂费，唔系边个都可以话俾就俾架嘛！呢种保险系会俾你一笔性既紧急用既现金，唔似其他传统既医疗保险要自行垫付医疗费，再向保险公司claim。加上，传统医疗保险一定要你去医院治疗，拿返张医院收据先claim到钱。有时可能听到人地话中医调理有奇效，练气功养生等等。有左一笔现金在手，唔洗你焗住净系睇西医，用黎试下其他疗法都仲得！大病一场之后，无力再应付原本工作既你，收入可能大大减少，无妨利用呢笔钱帮补下家计，减轻屋企经济压力。

2️⃣意外保险(Accidents insurance)。简单黎讲就系符合呢两个定义既都保：✅受伤时受到由外而内既冲击，✅非自愿伤害。赔偿因意外受伤引致既医疗开支同埋意外入息。万一意外烧伤，断手断脚，甚至死亡既大意外就系会提供一笔过赔偿。而呢份保险除左包括门诊、专科、住院、外科手术既费用，仲包括跌打及针炙治疗费。

3️⃣人寿保险（Life insurance）。呢份保险系为左系你过身之后，为你屋企人提供财务保障。例如你同女朋友一齐供紧楼，每月有俾既家用同埋债务等等。不幸过身之后有边个可以俾？呢份保险就可以帮你找数，帮你负责返在世时候既责任。

4️⃣医疗保险(Medical insurance)。最简单易明既保险：一切住院费用都可以实报实销赔偿。根据你既需要同预算，可以选择保障级别，自己调节返要相应保费。仲可以补偿你因住院期间无法工作既人工添。而家既自愿医保仲可以扣税添！ 🤓🤓🤓 所以，答案就系全部买晒！你可以选择一次过买齐四种😋，为自己未来打算啦。