想買保險又驚遇到伏？揀岩保險經紀嘅五大要訣！

想買保險又驚遇到伏？揀岩保險經紀嘅五大要訣！

伏伏伏伏伏伏...除咗直升機會發出呢d聲之外，揀錯保險經紀嘅你都會大叫中伏！唔想自己張單變孤兒單？就要認真揀保險經紀啦。

了解你嘅需求同售後服務
以你對保障及理財嘅需要與期望為先，而唔係一味加大保額以賺錢為目的。傾聽你對保險嘅需求，討論究竟買咩類型保險好等問題，協助你度身定做一個適合你嘅方案。而售後服務
除咗時不時關心你之外，保險經紀最重要嘅作用係及時幫你處理索償，具有充分嘅同理心，發生理賠爭議果陣企係你嘅立場，為你爭取最好嘅賠償。

專業程度
一個最基本合資格嘅保險經紀除咗要有卷一卷三牌照，仲可以從問問題著手。請教佢關於保險嘅類別資料，如果已經有一份保險在手的話，就更加可以問現有嘅保障是否足夠，可以點樣調整等問題，係對答中摸索出對方嘅專業程度。


說話態度 行為舉止
說話誠懇有禮貌，唔誇大自我吹捧。對你態度自信，積極回應你對保險條款同內容嘅疑難，耐心咁用自己專業知識為你一一解答。

年資
資歷往往都係挑選保險經紀嘅因素，從事保險業嘅年份越長代表有越多實務經驗，處理投保會更熟悉。而年輕一代嘅都唔代表一定係伏，反而年輕人會有更多嘅熱誠，較少客戶在手，維繫客戶方面較頻密。兩者同樣可以為你提供優質服務。視乎你點樣衡量啦！

一個可靠嘅保險經紀真係為你著想，省卻唔少麻煩。佢地提供似朋友又超越朋友嘅細心服務，第時要認真揀下啦！